Inminente transferencia ao Concello da ponte de ferrocarril de Monte Porreiro e os falsos túneles de ADIF
Por Redacción
A Comisión de Mobilidade, Infraestruturas, Obras e Servizos do Concello de Pontevedra tratará o vindeiro martes 2 de febreiro a cesión de distintas propiedades de ADIF na cidade para a súa xestión municipal.
En concreto trátase da vella ponte do ferrocarril en Monte Porreiro e os falsos túneles de Médico Ballina, A Seca e 12 de Novembro.
Despois dunha longa negociación con Fomento, os convenios xa están no Concello e a intención é poder aprobalos na próxima Xunta de Goberno, tendo en conta que o goberno local ten interese de incorporar estes espazos para ampliar as zonas de lecer na cidade e resolver problemas de mobilidade peonil e ciclista, ademais de poder darlle un mantemento adecuado.
Estas cesións será reguladas como unha concesión administrativa por un prazo de 75 anos sen pago de cánon algún, podendo o Concello empregar os falsos túneles como espazo para parques e xardíns de uso recreativo e tránsito peonil e de bicicletas, quedando vetado o paso de vehículos salvo nos puntos atravesados por un viario municipal.
No caso de Médico Ballina, en Lérez, o goberno local anunciou no seu momento a intención de instalar alí un parque infantil.
Pola súa banda a ponte do tren en Monte Porreiro supón a concesión de 8.505 metros cadrados, dos cales 116 metros corresponden á ponte. A intención é acondicionar a infraestrutura para convertela nunha vía peonil e ciclista.
Relacionadas:
-
Campolongo e Médico Ballina completarán a rede de parques infantís de Pontevedra
Por Alejandro Espiño |
-
Veciños e Concello dan luz verde á instalación de pantallas acústicas en Médico Ballina
Por Redacción |
-
Lérez reclama ao ADIF que ceda terreos para facer un parque público
Por Redacción |
-
O parque infantil de Médico Ballina, pendente dun trámite do ADIF
Por Redacción |
-
Ultiman o proxecto para converter a vella ponte do tren nunha pasarela peonil sobre o Lérez
Por Alejandro Espiño |