Lérez reclama ao ADIF que ceda terreos para facer un parque público
Por Redacción
Os veciños de Lérez concentráronse este domingo ante as dúas parcelas baixo as que discorren os túneles do AVE ao seu paso polo barrio para esixir ao ADIF que cumpra o seu compromiso de ceder estas dúas parcelas para poder construír nelas un parque público.
É unha vella reivindicación desta Asociación de Veciños, la construcción dun parque infantil na parroquia xa que carece dun espazo no que os nenos poidan disfrutar do seu tempo de lecer en condicións axeitadas.
Segundo explicou o portavoz da asociación vecinal, Miguel Vilacova, "entendemos que o espazo que o túnel do AVE deixou na avenida Médico Ballina cumpre este obxectivo xa que está nun lugar céntrico da parroquia e nunha zona de moito crecemento de vivendas con moita xente nova que vive no entorno".
A principios deste ano os responsables do xestor das infraestructuras ferroviarias, ADIF, comprometéronse a ceder estes terreos ó Concello de Pontevedra para a construción deste parque "pero pasado o tempo non se ten ningunha noticia e polo tanto consideramos que é o momento de reclamar dita cesión diante do proceso electoral que se presenta".