Medio Ambiente solicitará á Deputación un composteiro comunitario para Portonovo
Por Redacción
A Concellería de Medio Ambiente destacou a receptividade dos veciños de Portonovo para acoller un dos composteiros comunitarios que o Concello solicitará á Deputación provincial. A primeira reunión mantida no edificio de usos múltiples para abordar este tema permitiu aos asistentes avanzar sobre a posible localización dos recipientes, nos que os veciños depositarán os seus residuos orgánicos.
A edil de Medio Ambiente, Coral González-Haba, agradece especialmente a colaboración prestada pola presidenta da asociación de veciños San Cristóbal, Margarita Fontán, e por un directivo do Club de Xubilados de Portonovo, Ramón López, pola súa implicación activa no proxecto de compostaxe, o que permitiu que na primeira reunión fosen varios os veciños que xa asinaron a súa adhesión a este proxecto.
E é que cabe lembrar que un dos requisitos valorados pola Deputación para outorgar os composteiros é, ademais de dispoñer do terreo, que haxa 60 persoas dispostas a utilizalo. "Non teñen que ser 60 vivendas senón que entre este número contabilízase a todos os integrantes dunha mesma unidade familiar", explica Coral González-Haba.
A proposta agradou aos veciños polo que a Concellería de Medio Ambiente ten previsto convocar unha nova reunión en Portonovo onde se poida avanzar para concretar os detalles da localización e uso deste composteiro.
A Deputación de Pontevedra ampliou ata o 31 de xaneiro o prazo para presentar as solicitudes de composteiros e a intención de Medio Ambiente é concorrer con dúas propostas.
Relacionadas:
-
Unha profesión con futuro: mestre composteiro
Por Oskar Viéitez |
-
Convocan aos interesados en adherirse ao programa de compostaxe de Portonovo
Por Redacción |
-
Os concellos terán ata finais de xaneiro para solicitar centros de compostaxe comunitarios
Por Redacción |
-
Propoñen situar un composteiro comunitario ao carón do colexio de Dorrón
Por Redacción |
-
Sanxenxo quere instalar en Dorrón o primeiro composteiro comunitario do municipio
Por Redacción |
-
Sanxenxo habilita unha lista de reservas para adxudicar os composteiros da Deputación
Por Redacción |