A Deputación promove o proxecto Hydrothermas Vilas Termais de Pontevedra
Por Redacción
O Pazo Provincial da Deputación de Pontevedra acolleu este xoves o primeiro encontro para a posta en marcha do proxecto europeo "Hydrothermas Vilas Termais de Pontevedra", enmarcado na primeira convocatoria INTERREG V-POCTEP Programa de Cooperación Transfronteiriza España – Portugal.
Este primeiro encontro, no que participaron a Deputación de Pontevedra (como socio líder) e representantes dos concellos de Caldas de Reis, Catoira, Cuntis, O Grove, Mondariz-Balneario, Tui e Vila de Cruces, das Cámaras Municipais de Vileda, Penafiel e Guimaraes, así como da Universidade de Vigo e de Minho, socios do proxecto, servirá para preparar a documentación esixida e realizar o informe previo para poder poñer en marcha o proxecto de impulso do termalismo.
O deputado provincial de cooperación, David Regades, destacou que en colaboración cos concellos da provincia de Pontevedra e cámaras municipais portuguesas, así como coa Universidade de Vigo e Minho, "imos a realizar un proxecto europeo que nos servirá para atopar novas formas de impulsar o termalismo".
O proxecto "Hydrothermas Vilas Termais de Pontevedra" ten como obxecto a promoción e desenvolvemento do produto turístico termalismo de Pontevedra, mediante a creación de novas infraestruturas e servizos termais e a mellora das existentes e a súa promoción, así como o fomento da vertebración do sector e a mellora da competitividade, garantindo a participación dos concellos termais, o sector privado e as entidades públicas e veciñais.
Para elo, e a través do proxecto, a Deputación de Pontevedra impulsará a creación de novos produtos turísticos termais, ampliará e mellorará a oferta termal e turística das vilas termais, protexerá os acuíferos termais como recursos naturais, mellorará e protexerá os parques termais, aplicará medidas de I+D+i no ámbito termal, impulsará a creación de marca e promoción conxunta das vilas termais de Pontevedra e apostará polo desenvolvemento de programas de termalismo orientados a diferentes segmentos de poboación.
Relacionadas:
-
Cuntis proxecta actuar no paseo do río Gallo e a 'Horta do Cura' co proxecto Hydrothermas
Por Redacción |
-
O proxecto 'Hydrothermas' permitirá melloras nas infraestruturas termais da provincia
Por Redacción |
-
Carmela Silva anuncia en Caldas un plan turístico que incluirá o Camiño Portugués e o termalismo
Por Redacción |
-
Abre o prazo de solicitudes para un novo programa de balnearios da Deputación
Por Redacción |
-
Termas de Cuntis pide permiso para ampliar as instalacións e converterse no "maior centro balneoterápico de España"
Por Redacción |