O alcalde de Bueu comunica aos veciños do edificio Pintos a intención de paralizar o desaloxo
Por Redacción
Os veciños afectados polo desaloxo do edificio Pintos, previsto para o próximo 2 de novembro, asistiron ao pleno celebrado na noite deste luns 5 no Concello de Bueu. Alí reclamaron ao alcalde Félix Juncal e ao seu equipo de goberno a paralización dese desaloxo ou a indemnización aos afectados.
O representante dos propietarios, José María Alén, deu lectura durante a sesión a un manifesto e o alcalde comprometeuse a reunirse cos afectados tan axiña como poida sumarse a esa entrevista o asesor xurídico do Concello.
Félix Juncal indicou no pleno que espera que ao longo destes días paralícese a intervención debido aos dous recursos presentados. Desde o Concello presentouse un incidente para que o Tribunal Superior de Xustiza de Galicia tome a decisión de non seguir co proceso ata que teña as suficientes garantías e avais para proceder á indemnización dos veciños, atendendo ao que establece o artigo 108 da Lei Reguladora da Xurisdición Contencioso administrativa.
O pleno tamén aprobou a moción de urxencia presentada polo portavoz do grupo SON a través da que pedía apoio para as marchas da dignidade, formadas por colectivos de persoas que levan máis de dous anos mobilizándose a favor das políticas sociais. Aprobouse por unanimidade e convidouse aos veciños para participar na manifestación que se desenvolverá o próximo 24 de outubro en Santiago de Compostela.
Relacionadas:
-
O Xulgado suspende cautelarmente o desafiuzamento e derriba do edificio Pintos de Bueu
Por Oskar Viéitez |
-
Bueu pide perdón aos donos do edificio Pintos e confía en poder paralizar o derrubamento
Por Redacción |
-
O Concello de Bueu pide perdón aos propietarios do edificio declarado ilegal polo TSXG
Por Redacción |
-
Veciños de 19 vivendas de Bueu reclaman solucións a menos dun mes de ser desaloxados
Por Redacción |
-
Os veciños de Bueu afectados por un desafiuzamento piden apoio en Change para obter "unha saída digna"
Por Oskar Viéitez |