O Concello de Bueu pide perdón aos propietarios do edificio declarado ilegal polo TSXG
Por Redacción
A Comunidade de propietarios do Edificio Pintos de Bueu presentaba o 6 de outubro un escrito reclamando o apoio ante a demolición prevista para principios de novembro do inmoble que foi considerado ilegal polo Tribunal Superior de Xustiza de Galicia (TSXG). Como consecuencia, o goberno local de Bueu, liderado polo alcalde Félix Juncal, elaborou o borrador dunha declaración institucional na que manifesta a súa solidariedade, apoio e tamén pide perdón aos afectados polo desaloxo que teñen que sufrir estes veciños.
O escrito fai referencia a que nos anos 80 e 90, o Concello de Bueu levou a cabo unha política urbanística totalmente contraria aos intereses públicos e negativa para os intereses das persoas. Indica que non levaba a cabo un control das obras realizadas, incorrendo en graves infraccións urbanísticas. Ademais, sinala que tampouco eran revisadas as licenzas, dando lugar a graves situacións como é o caso do Edificio Pintos que obtivo unha licenza mal concedida no ano 86 e que obriga a unha inminente demolición parcial que responde o cumprimento da sentenza do TSXG.
O Concello de Bueu censura o comportamento do equipo de goberno de entón e pide perdón aos propietarios de boa fe do Edificio Pintos. Neste escrito manifestan o convencemento de que este perdón sirva tamén para resarcir do dano que se infrinxiu á institución municipal. Esperan, ademais, que a imaxe quede limpa tras estas circunstancias nas que se viu envolvido o edificio desde que foi ocupado hai 25 anos.
Relacionadas:
-
O Xulgado suspende cautelarmente o desafiuzamento e derriba do edificio Pintos de Bueu
Por Oskar Viéitez |
-
Bueu pide perdón aos donos do edificio Pintos e confía en poder paralizar o derrubamento
Por Redacción |
-
O alcalde de Bueu comunica aos veciños do edificio Pintos a intención de paralizar o desaloxo
Por Redacción |
-
Veciños de 19 vivendas de Bueu reclaman solucións a menos dun mes de ser desaloxados
Por Redacción |
-
Os veciños de Bueu afectados por un desafiuzamento piden apoio en Change para obter "unha saída digna"
Por Oskar Viéitez |