O PP rexeita pedir á Xunta que emita un informe desfavorable sobre Ence
Por Redacción
O Partido Popular fixo valer a súa maioría absoluta no Parlamento galego para rexeitar cos seus votos unha iniciativa do BNG que contou co apoio do resto da oposición, na que solicitaba á Cámara galega que instase á Xunta "a exercer as súas competencias exclusivas en ordenación do territorio e a emitir un informe desfavorable á prórroga de Ence e de Elnosa en Lourizán".
A moción incluía unha emenda do PSdeG na que pedía que a Xunta realizase os estudos para atopar alternativas viables que permitan a recolocación de Ence fóra da ría.
Como portavoz neste tema actuou o concelleiro pontevedrés e deputado do PP, Jacobo Moreira, descartando a iniciativa dos nacionalistas porque supoñería "instar o Goberno galego a que prevarique e que a Xunta lle pida ao Goberno de España que prevarique tamén".
Pola súa banda, a deputada do Bloque, Montse Prado, pediu aos populares que "non vendan o país por unhas migallas e polos intereses dunha pasteira" e lembrou que a modificación da Lei de Costas ía solucionar o problema dos núcleos tradicionais na costa "cando en realidade segue sen arranxarse e con todo si servirá para que continúe Ence na ría de Pontevedra".
Relacionadas:
-
"Ao final están a demostrar que durante moitos anos non fixeron nada", di o alcalde sobre Ence
Por Oskar Viéitez |
-
Ence quere compartir a calor que lle sobra
Por Mónica Patxot & Oskar Viéitez |
-
A Confederación de empresarios galegos expresa o seu apoio a Ence
Por Redacción |
-
Ence investirá máis de 20 millóns de euros nunha terceira depuradora que achegará unha máxima calidade ao seu afluente
Por Noticia patrocinada |
-
O PSOE presentará unha proposición no pleno reclamando á Xunta e á Deputación unha reubicación para Ence
Por Redacción |