![](/web/cache/scene/uploads/fotos/foto/0c1/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/5807b55ae7-55f83cec7b-misioninversajapon3.jpg)
© D.O. Rías Baixas
Os xaponeses apuntan ao albariño como o "acompañamento perfecto" para a súa gastronomía
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/f1d/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/55f83d1b55-misioninversajapon2.jpg)
© D.O. Rías Baixas
A Denominación de Orixe Rías Baixas acolle desde este martes e ata o xoves a visita de cinco prescriptores xaponeses.
Profesionais de vendas de grandes almacéns, Manabu Saito, Harue Shirahama, Yui Higashikoba e Chisako Morimoto visitarán diferentes adegas. Ademais, aproveitando a época de vendima, terán a oportunidade de ver o proceso de elaboración do viño, e mesmo de probar mosto.
No seu percorrido, estarán acompañados por Chieko Konagaya, analista de mercados de alimentación e agricultura na Oficina Económica e Comercial da Embaixada de España en Tokio quen asegurou que "os viños de Rías Baixas son o acompañamento perfecto para a gastronomía xaponesa". Neste aspecto, indicou que xa se realizaron "varias accións promocionais en Xapón" para dar a coñecer esta versatilidade na cociña.
"A variedade albariño xa lle está soando aos xaponeses, sobre todo en Tokio", indicou a analista.
O principal obxectivo desta misión inversa é que, a través do coñecemento máis directo da denominación de orixe, os prescriptores participantes, que son compradores de grandes almacéns poidan ampliar a presenza dos viños de Rías Baixas en Xapón. "Moitos deles xa os coñecían, pero só comercializaban unha referencia".
As exportacións de viños de Rías Baixas practicamente triplicáronse entre 2006 e 2014, pasando de 33.817,50 a 94.642,50 litros.