A Deputación implícase na busca dun novo modelo de xestión do lixo para Marín, Vilaboa e Bueu
Por Redacción
Os alcaldes da comarca do Morrazo calificaron de "interesante" a proposta da Deputación de Pontevedra para mellorar a xestión do lixo na zona buscando solucións negociadas entre a administración provincial e as locais. O encontro convocado polo presidente en funcións, César Mosquera, serviu para poñerse a disposición total dos concellos e sacar adiante novos sistemas de tratamento que permitan reducir a xeración de residuos e o custe do seu tratamento a través de fórmulas de compostaxe de diferentes dimensións.
A Deputación estaría disposta a botar a andar eses proxectos asesorando a súa elaboración e, según as peticións locais, facéndose cargo da súa adxudicación, xestión, así como do financiamento inicial para a posta enmarcha e incluso do cobro dos recibos aos veciños. O requisito para esa colaboración provincial sería que os concellos terían que elixir a tipoloxía e dimensións dos tratamentos e implicarse no seu mantemento posterior.
A xuntanza foi todo un éxito de participación, xa que estiveron presentes os alcaldes de Marín, María Ramallo; Bueu, Félix Juncal; Vilaboa, José Luis Poceiro; Cangas, Xosé Manuel Pazos e Moaña, Leticia Santos, xunto cunha ducia de concelleiros e técnicos locais das áreas de Urbanismo, Medio Ambiente, Obras e Servizos. Trátase da reunión con máis asistentes das que a Deputación leva realizado ata o de agora polas comarcas da provincia a pesar de ser a de menor número de municipios convidados.
Pola parte provincial asistiron o vicepresidente César Mosquera, os deputados Xosé Leal e Chelo Besada, así como os asesores en materia de residuos, Carlos Pérez, e en materia de mobilidade, Jesús Fole.
Relacionadas:
-
Os alcaldes da comarca, dispostos a sumarse ao plan de compostaxe da Deputación
Por Alejandro Espiño |
-
"Paso adiante irreversible" na concienciación sobre a compostaxe
Por Redacción |
-
Os composteiros de Larrabetzu poderíanse exportar a hortas urbanas como as de Conde Bugallal ou Eduardo Pondal
Por Redacción |
-
Seguridade vial e residuos centran a reunión da Deputación e os concellos do Salnés
Por Redacción |
-
O BNG presentou os seus catro asesores na Deputación de Pontevedra
Por Redacción |