A pista de skate das Lagoas vai ser arranxada
Por Redacción
Ante o inminente problema derivado do mal estado e do desprendemento dalgunhas pranchas da madeira da pista de skate do entorno das Lagoas, o Concello contratou a unha empresa para solucionar o problema.
O que se está facendo é formando unha base de formigón que ao secar será recuberto polas pranchas de poliéster.
Segundo as previsións dos técnicos da empresa, debido a que o formigón debe estar completamente seco para proceder á colocación das pranchas, o arranxo estará rematado antes de finais de agosto.
O Concello decidiu poñer a máxima prioridade nesta actuación debido á urxencia e perigosidade das instalacións que contaban con varias chapas desprendidas.
O orzamento estimado é de algo máis de 9.000 euros, a cargo das arcas municipais.