Estudan alternativas para o arranxo da pista de skate das Lagoas
Por Redacción
O Concello de Bueu está estudando alternativas "urxentes" para o arranxo da pista de skate situada na zona das Lagoas, segundo avanzaron este mércores desde o goberno municipal.
O material, contrachapado de madeira, non é o máis axeitado para estes usos de patíns e bicis, polo que rompe con facilidade.
O alcalde Félix Juncal e o aparellador do Concello estiveron in situ para buscar unha solución, que posiblemente pase por substituír as pranchas de madeira por poliéster ou resina de epoxi, un material eternamente duradeiro.
Ante a urxencia do proxecto, avanzouse que os traballos poderían estar rematados antes de comezos de agosto.