Milleiros de persoas seguiron o espectáculo pirotécnico das Corbaceiras
Por Diego Torrado
Miles de persoas achegáronse durante a media noite do sábado ao domingo ata as proximidades das Corbaceiras para observar os lumes de inicio das Festas da Peregrina 2015.
Nesta ocasión, a empresa encargada da tirada lanzou 500 quilos de material pirotécnico que satisfixo aos asistentes a este tradicional acto das festas.
A tirada durou ao redor de vinte minutos con espectaculares figuras de cores que resplandeceron sobre a desembocadura do Lérez na ría.
O próximo domingo terá lugar a tirada final de lumes artificiais cos que se concluirá a Semana Grande das festas.