O inicio das obras de remodelación no pavillón de Tenorio, inminente
Por Redacción
A empresa adxudicataria da reforma do pavillón de Tenorio mantivo este venres unha reunión de coordinación previa ao inicio das obras.
A esta, ademais de representantes da empresa GPD, acudiron representantes de clubs deportivos e asociacións que usan habitualmente o pavillón, ademais do alcalde de Cotobade, Jorge Cubela.
Tratábase de explicar os traballos que se van desenvolver e buscar a coordinación cos usuarios para que poidan manter a actividade deportiva noutros recintos durante o tempo no que se prolongue a obra.
As melloras consistirán na ampliación dos vestiarios e os aseos públicos e a creación de bancos na pista. Ademais a adxudicataria ofertou no concurso público varias melloras, como o arranxo das filtracións da cuberta.
O presuposto ascende a preto de 60.000 euros con cargos a fondos da Deputación.