Os comuneiros queren rescatar aos veciños en situación de emerxencia social
Por Oskar Viéitez
A xunta reitora de Comunidade de Montes de Santa Cristina de Cobres proporá na vindeira asemblea a elaboración dunha partida anual para emerxencia social, especialmente orientada ás familias da parroquia con nenos en idade escolar e que estean pasando por dificultades económicas.
Para o ano 2015 iniciaríase cun orzamento de 3.000 euros, ampliable no caso de que a demanda destas axudas así o xustificase. O obxectivo é destinar o 5% do orzamento anual da comunidade a este fin. Para elo, unha vez que os comuneiros dean o visto bo, pedirase a colaboración da asociación de veciños e das ANPAS dos colexios de Riomaior e Toural.
Por outra banda, na asemblea que se celebrará o vindeiro domingo 1 de febreiro tamén se debatirá e aprobará se procede, a proposta de financiación para a compra da antiga reitoral de Santa Cristina de Cobres. A sinatura do contrato está prevista para esta semana e a directiva comunitaria xa conta con varias ofertas de entidades financeiras para a financiación de parte do importe (70% do total), tal e como se acordara na asemblea que deu a súa autorización para a adquisición.
Tamén se dará conta do número de proxectos que se presentaron ao concurso para a elección do proxecto de rehabilitación, a día de hoxe uns trinta informaron da súa intención de concursar e do proceso de selección, suxeito ás bases redactadas.
Ademáis do habitual informe de xestión e balance económico correspondente ao ano 2014 e orzamento para o ano 2015, tamén se dará conta dos trámites e proxectos realizados para a creación da Fundación Lago de Castiñeiras Cotorredondo, co obxetivo de xestionar e poñer en valor as máis de 74 hectáreas do entorno do tradicional parque da lagoa de Castiñeiras e do miradoiro de Cotorredondo.
Relacionadas:
-
Os comuneiros escollen proxecto para converter a reitoral de Santa Cristina de Cobres nun viveiro de empresas
Por Oskar Viéitez |
-
O BNG de Marín e Vilaboa comprométense co proxecto da Fundación Lago de Castiñeiras-Cotorredondo
Por Redacción |
-
Os comuneiros de Santa Cristina de Cobres estudan dedicarse á cría de porco celta
Por Redacción |
-
Convocan un concurso de ideas para rehabilitar a antiga Reitoral de Santa Cristina de Cobres
Por Redacción |
-
Os comuneiros de Santa Cristina de Cobres preparan un plan de mellora das súas pistas forestais
Por Redacción |