Unha muller queda atrapada ao encaixarse co seu turismo contra un tráiler en Meis
Por Redacción
Unha muller resultou ferida este mércores e tivo que ser evacuada ao Hospital Miguel Domínguez de Pontevedra logo de quedar atrapada no interior do seu turismo nun accidente de tráfico ma recta da Goulla, no término municipal de Meis
Por motivos que se descoñecen, a muller, una veciña de Baión (Vilanova) de 56 anos de idade, saíu da vía co vehículo no que circulaba e acabou encaixada nun tráiler que estaba estacionado na beiravía, á altura de coñecida como recta da Goulla.
A ferida foi evacuada pola ambulancia de Protección Civil de Vilagarcía tras ser liberada do vehículo polos técnicos da ambulancia medicalizada do 061, os da de Protección Civil de Vilagarcia e un técnico de Ambulancias Pontevedra. Non foi necesaria a intervención dos Bombeiros do Consorcio Provincial de Pontevedra xa que non houbo que excarcerar a vítima.
Un particular alertou do accidente sobre as 14.30 horas.
Relacionadas:
-
Unha nova glorieta eliminará o punto negro do cruce da Goulla
Por Redacción |
-
Rescatan un bebé tras envorcar o vehículo no que viaxaba xunto á súa nai
Por Redacción |
-
Dous feridos leves ao sairse da vía un turismo en Marín
Por Redacción |
-
Un motorista e unha viandante resultan feridos nun atropelo en Vilanova
Por Redacción |