As luces de Nadal en Ponte Caldelas son todas LED
Por Redacción
O Concello de Ponte Caldelas acendeu a iluminación do Nadal nas principais rúas do centro urbano co fin de contribuír, como é tradición, ao adorno festivo da vila nestas datas tan sinaladas. Os motivos están inspirados en composicións tradicionais do Nadal feitas a base de combinacións coloristas en azul e branco con lámpadas led de baixo consumo.
A intención do Concello é contribuír con esta decoración luminosa a favorecer un ambiente festivo ao tempo que se colabora cos comerciantes en ofrecer unha imaxe moderna e atractiva para aquelas persoas que vaian realizar as súas compras de nadal no comercio local.
Así mesmo, o Concello de Ponte Caldelas e a asociación de comerciantes Coempo ofrecerán nos próximos días un amplo programa de actividades para todas as idades coa intención de potenciar e promover as compras no comercio local e que terá como epicentro a Alameda da vila e como principais destinatarios os máis pequenos da casa.
O compromiso coa sostibilidade alcanzado polo Concello de Ponte Caldelas nos últimos anos levouno a contratar un sistema de iluminación baseado na utilización de lámpadas led co fin de favorecer o aforro enerxético e baixar, así mesmo, a tarifa eléctrica que adoita incrementarse por estas datas coa utilización dos adornos do Nadal.
Relacionadas:
-
A 'árbore do Betis', os veciños bromean co Nadal verdibranco en Ponte Caldelas
Por Redacción |
-
A Feira de Oportunidades e unha intensa programación de Nadal, bazas do comercio de Ponte Caldelas
Por Redacción |
-
O Nadal chega a todas as parroquias de Sanxenxo
Por Redacción |
-
O Venres tolo, a versión caldelana do Black Friday
Por Redacción |
-
Concello e comerciantes de Ponte Caldelas reparten máis de 100 quilos de castañas asadas
Por Redacción |
-
Goberno local e comerciantes asinan un convenio para mitigar a crise
Por Redacción |