O Faiponting converte á Illa das Esculturas no Parque da Familia
Por Oskar Viéitez
O Faiponting 2014 comezou ben cedo para ser domingo, ás 11.30 da mañá houbo unha visita guiada á exposición Diálogos na pintura, da man do comisario da mostra Ramón Rozas.
A esa mesma hora comezou na casiña de pedra, o primeiro pase do espectáculo de manipulación de globos, Ne me quitte pas, da compañía O Retrete de Dorian Gray.
En 20 minutos os artistas, Ezra e Marcos, contaban unha historia que xorde da nada: un gran intérprete de canción francesa, que nace ante os espectadores como por arte de flop! e entón soa unha canción, emociónase e pensa no desamor.
En fronte desenvolvíase un obradoiro de construción e voo de papaventos empregando técnicas sinxelas.
Da rotonda da Ponte dos Tirantes partiu ao mediodía un roteiro en bici pola Illa de dúas horas de duración é guiado por Iciar Ezquieta.
O alumnado da Escola Superior de Arte Dramática de Galicia e os ex compoñentes do Centro Coreográfico Galego puxéronlle arte a xornada, xunto cos alumnos da Escola de danza Deborah e a Orquestra Cámara Lira.
Ainda por riba fixo un día soleado polo que a iniciativa volve a ser todo un éxito
Luis Prego e a Banda Arrolán encargáronse de poñer a bailar a todas as familias que se xuntaron na Pradeira ao carón do Campus.
Ademáis de xogos populares en familia e puntos de lectura espallados pola Illa do Cobo había tamén un mercado de arte, obradoiros de Banda deseñada ou a iniciativa "Subliñando a liña" no que cada participante pintou unha pedra para continuar a obra de Richard Long, unha das esculturas máis importante e descoñecida da Illa.
Os máis marchosos seguiron movendo as cadeiras no concerto de Gold & Colt Quartet.
Entre o máis aplaudido estiveron as exhibicións e coreografías de voo acrobático ao son da música por Imagina e a ÿpera para cans con dono da man da soprano Victoria Álvarez e o barítono Miguel Abalo.
Ainda por riba fixo un día soleado polo que a iniciativa volve a ser todo un éxito.
Relacionadas:
-
O ámbito do río Lérez acollerá o próximo sábado un maratón fotográfico
Por Redacción |
-
Volve Faiponting, actividades lúdicas e culturais para toda a familia no Pazo e a Illa das Esculturas
Por Alejandro Espiño |
-
A Illa das Esculturas rexistra un abarrotamento de público co "Faiponting"
Por Redacción |
-
Organizan un picnic lúdico e cultural cheo de actividades para a segunda xornada de Faiponting
Por Redacción |
-
A Illa das Esculturas seguirá acollendo eventos lúdicos e culturais porque "non é o coto privado de ninguén"
Por Alejandro Espiño |