Continúan as actividades para difundir o Castro das Croas
Por Redacción
A escavación do Castro das Croas situada na parroquia de Salcedo está a espertar o interese de numerosos visitantes polo que o Concello de Pontevedra ten decidido, segundo explicou o concelleiro de Patrimonio, Luis Bará, continuar as actividades relacionadas con este achado arqueolóxico. Durante os días 23 e 25 de setembro desenvolverase un ciclo de conferencias no Local social de Cabanas-Salcedo coa participación de historiadores, arqueólogos e antropólogos.
Para o martes 23 está prevista unha mesa redonda coa participación de Antonio de la Peña e Eduardo Méndez, os dous arqueólogos que dirixiron as escavacións no Castro das Croas en 1993 e en 2014.
O mércores 24, os antropólogos Buenaventura Aparicio e Rafael Quintía tratarán o uso do monte nese espazo. E xa o xoves 25 Estevo Amado, licenciado en Historia e Máster en Arqueoloxía e María Martín, doutora en Arqueoloxía analizarán a alimentación e o consumo na Idade de Ferro e a vida cotiá naquela época a partir do estudo dos combustibles leñosos.
Bará avanzou que tamén se van desenvolver visitas guiadas para escolares e os sábados 4 e 11 de outubro se realizarán "roteiros" abertos polo castro. Ademais vanse editar mapas-guías e aplicacións para difundir esta escavación a través dun proxecto cofinanciado con fondos europeos e que ascende a 166.000 euros. O concelleiro destacou a importancia de que se fagan estes investimentos no patrimonio rural para poñer en valor esta zona e que os veciños teñan coñecementos sobre este xacemento.
Relacionadas:
-
Nova vida para o xacemento do Castro das Croas
Por Redacción |
-
Inician os traballos para consolidar os achados no Castro das Croas
Por Redacción |
-
Pasos firmes para a posta en valor do Val de Tomeza e Salcedo
Por Redacción |
-
Localizan un posible petróglifo no muro de peche dunha casa da Armada, en Salcedo
Por Redacción | Creada e actualizada
-
"O Castro das Croas é moi importante dentro do proceso de desenvolvemento do mundo castrexo en Galicia"
Por Natalia Puga & Mónica Patxot |
-
Novos achados na escavación do Castro das Croas
Por Redacción |
-
Achan 42 anacos de cerámica nas escavacións do Castro das Croas
Por Redacción |