Restablecido o servizo de auga a Marín
Por Redacción
Despois de varios días de traballo, os técnicos de Viaqua lograron emendar a avaría na rede de abastecemento de auga que afectaba principalmente a Marín.
A media tarde deste xoves a subministración quedou restablecida pola canalización habitual, recén reparada, acabando coas restricións que sufrían especialmente os veciños das parroquias marinenses de Loira e Seixo.
Ao mesmo tempo Marín empezou a recuperar o nivel de auga nos depósitos municipais que abasteceron algunhas zonas dende que se produciu a avaría na rede.
Antes de dar por finalizada a incidencia tivéronse que emendar pequenas roturas nas canalizacións de distribución producidas polos cambios de presión das últimas horas, roturas que afectaron a instalacións das rúas Jaime Janer, Ezequiel Massoni ou na zona de Estivada.
Unha vez comprobado o bo funcionamento da rede procedeuse a restablecer por completo o sistema de abastecemento, unha decisión celebrada pola concelleira marinense Marián Sanmartín, que se declarou "satisfecha con el trabajo que se está haciendo y con los afectados, que han sido bastante comprensivos".
Relacionadas:
-
Seixo e Loira reciben auga cada tres horas tras a instalación de bombeos nos depósitos municipais
Por Redacción |
-
Dous ou tres días máis de cortes de auga pola avaría na rede de abastecemento
Por Alejandro Espiño |
-
Calculan que unhas 5.000 persoas víronse afectadas pola avaría da auga en Pontevedra
Por Redacción |
-
A rotura dunha tubaxe da subministración en Pontevedra deixa sen auga a Marín e Bueu
Por Redacción |