O afundimento interior dun edificio obriga a acordoar parte das prazas da Verdura e da Leña
Por Redacción
Os servizos de emerxencia municipais, xunto co departamento técnico do Concello e unha empresa colaboradora traballaron dende as tres menos cuarto da tarde deste mércores no apuntalamento dun edificio abandonado con fachadas ás prazas da Leña e da Verdura.
Os traballos prolongáronse toda a tarde para garantir a estabilidade das fachadas do edificio e, polo tanto, a seguridade de todos os veciños e usuarios destas concurridas prazas.
A concelleira de Protección Cidadá, Carme da Silva trasladouse ata o lugar do suceso para coñecer a trascendencia do ocurrido, e atópase ao fronte do operativo municipal.
Segundo a intervención da Policía Local e dos Bombeiros, os servizos de emerxencia recibiron unha chamada ás 14.46 horas avisando dun ruído procedente do edificio situado entre os bares Feira Vella e Aleph, na rúa Figueroa. Tamén se informaba dunha polvareda procedente do interior do edificio.
Logo da inicial intervención dos servizos de emerxencia, os técnicos municipais concluíron que se produciu o afundimento parcial da cuberta e do primeiro piso do inmoble, causa do estruendo e do po. O edificio atopábase en moi malas condicións interiores, o que provocou o afundimento.
Coa colaboración da constructora Ediserpo, especializada na rehabilitación de interiores, os técnicos municipais acordaron o apuntalamento da fachada do edificio que dá á praza da Verdura xa que estaba abombada. Instalarase unha viga metálica transversal que recorra as cornisas do inmoble, e suxeitarase ao chan con outras vigas. Ademais, colocarase un valado metálico de entre cinco e seis metros de alto para evitar desprendementos á praza.
Inicialmente a fachada da praza da Leña non se atopa comprometida polo derrube.
Para garantir a seguridade dos peóns nas prazas, está acordonada a fachada do edificio na Verdura até os bancos situados na metade da praza para evitar o tránsito peonil.
Ao respecto da praza da Leña, tamén se atopa acordonada a fachada do edificio.
Todos os veladores situados neste ámbito foron retirados e resituados en distintos puntos das prazas para tratar de prexudicar o menos posible aos negocios hostaleiros.
O Concello de Pontevedra asumirá todos os gastos necesarios para asegurar a estrutura do edificio e garantir a seguridade dos viandantes. A factura remitiráse posteriormente aos propietarios do inmoble, aos que xa se localizou.
Relacionadas:
-
A propiedade asume as obras de consolidación do edificio en perigo en Marqués de Valterra
Por Mónica Patxot |
-
130 toneladas de entullos e unha moto: así baleiran o edificio en ruínas da Verdura
Por Natalia Puga & Mónica Patxot |
-
Baleirarán o interior do edificio afundido no centro histórico para evitar que colapse por completo
Por Alejandro Espiño |
-
A rúa César Boente languidece entre as ruínas e a burocracia
Por Oskar Viéitez & Mónica Patxot |
-
Louro acusa á Xunta de "desidia" polo atraso na tramitación do ARI para o Centro Histórico
Por Alejandro Espiño |