Concentración para que Pontevedra sexa "un dos referententes de mobilización popular pola III República"
Por Diego Torrado
A II República chegou como froito da mobilización popular nos concellos, de aí que dende Esquerda Unida Pontevedra consideren que é o momento de saír á rúa para traela de novo. Con esta premisa convocaron este sábado a segunda manifestación en menos dunha semana para reclamar a proclamación da III República tras a abdicación do Rei Juan Carlos I.
A concentración, que contou co respaldo do BNG e outros colectivos republicanos, levou á praza da Peregrina a varias decenas de persoas que coinciden na percepción de Esquerda Unida de que "Pontevedra ten que ser un dos referentes de mobilización popular pola III República".
Convocaron aos cidadáns ante a oportunidade que se dá neste momento da historia de "cambiar o réxime obsoleto da Monarquía" e que se instaure unha República na que, ademais, se produza un cambio de modelo en materia económica, social e política con respecto ao instaurado durante a Transición.
Por todos estes argumentos e para pedir a celebración dun "referendo vinculante xa", as pancartas, bandeiras tricoloras e un grupo de cidadáns implicados convertéronse en voz do que consideran unha opinión moi estendida entre o conxunto da cidadanía: que o modelo de estado debe decidilo un referendo cos votos de toda a cidadanía.
Relacionadas:
-
En Pontevedra tamén reclaman a creación dunha República Galega porque "Galiza non ten rei"
Por Alejandro Espiño & Diego Torrado |
-
O BNG de Pontevedra di si á República e non a un referendo
Por Oskar Viéitez |
-
Os republicanos sairán de novo á rúa o sábado para reclamar un referendo
Por Redacción |
-
O PSOE de Pontevedra reclama a celebración dun referendo sobre a Monarquía
Por Oskar Viéitez |
-
Os republicanos esixen un referendo sobre o futuro da monarquía
Por Oskar Viéitez & Mónica Patxot |