O goberno local indica que a Xunta continúa sen notificarlle o peche do matadoiro
Por Redacción
A xunta de goberno do Concello de Pontevedra decidiu abrir un expediente informativo a petición do grupo do PSOE para comprobar as causas que provocaron o peche do matadoiro. Segundo explicaron tanto o voceiro municipal, Raimundo González, como o concelleiro socialista, Agustín Fernández, o concello pontevedrés non recibiu ningunha notificación por parte da Xunta de Galicia en relación con este caso e ambos os dous engadiron que lles parece significativo que exista unha contradición entre os propios servizos de Sanidade, que puxeron o selo de salubridade á carne para despois paralizar a súa saída.
Os representantes do goberno local indicaron que agora establecerán contacto coa empresa e os técnicos municipais realizarán unha investigación sobre este tema.
En relacion cos afectados polo precinto de carne nas cámaras frigorificas do matadoiro, o seu voceiro e asesor legal, José Malvido, indicou que mañá martes se reunirá un grupo de prexudicados para decidir se emprenden accións legais polos danos que lles ocasionou este precinto. Mentres tanto, a carne segue retida e descoñecen cando se levantará o precinto, tan só saben que estan pendentes de máis informes.
Segundo explicou, polo menos dous dos afectados xa decidiron que queren esixir que se depuren responsabilidades. En caso de que todo o colectivo aprobe este martes emprender accións conxuntas, uniranse, pero senón o farán de forma particular.
Ata o momento, non se concretou a quen se pedirá estas responsabilidades, pero a alternativa máis probable é que se responsabilice a Administración autonómica por un "precinto inxustificado" das reses xa certificadas por técnicos da Xunta. Poderían considerarse responsables la concesionaria Carnifex ou o Concello subsidiariamente como titular das instalacións, pero, en principio, se decantan por pedir que renda contas a Xunta.
Relacionadas:
-
Preocupación entre os traballadores ante a falta de noticias sobre a reapertura do Matadoiro
Por Oskar Viéitez & Mónica Patxot |
-
A concesionaria do matadoiro presentará un ERE de suspensión para os 22 traballadores
Por Natalia Puga |
-
Sanidade mantense á espera das analíticas para tomar unha decisión sobre o matadoiro
Por Redacción |
-
Afectados polo peche do matadoiro denuncian "daños irreparables" e defenden a calidade da carne precintada
Por Natalia Puga |
-
O Concello abrirá un expediente á concesionaria do matadoiro tras o seu peche preventivo
Por Redacción |