Portonovo outorgará ao futbolista Fran Rico a 'Raia de Ouro'
Por Redacción
A vixésima edición da Festa da Raia servirá nesta ocasión para que Portonovo recoñeza o labor dun dos seus veciños máis ilustres, o futbolista do Granada Club de Fútbol Fran Rico.
O comité organizador do evento, integrado por trece asociacións e entidades de diverso ámbito, acordou outorgarlle ao xogador a 'Raia de Ouro' en recoñecemento a "a súa importante traxectoria deportiva e en agradecemento ao orgullo co que se refire sempre que ten ocasión á súa vila natal".
O acto oficial terá lugar o próximo día 20 de abril na carpa da XX Festa da Raia ás 12:30 horas.
Ao coñecer a noticia Fran Rico recoñeceu que "es un honor y un placer recibir este premio de mi pueblo, mi familia y yo estamos muy agradecidos por este nuevo detalle que se tiene conmigo".
Ademais o futbolista asegurou que "espero seguir representando a Portonovo por los campos de Primera División lo mejor posible".
Fran Rico iniciouse no fútbol nas categorías inferiores do Portonovo antes de dar o salto á canteira do Pontevedra, con quen debutou no primeiro equipo no ano 2005.
Tras pasar polas filas da Castela, filial do Real Madrid, o xogador de Portonovo fichou polo Granada, co que debutou e se consolidou en Primeira División.
Relacionadas:
-
O barbeiro Pepe Deza e o grupo musical ALKAR recibirán a 'Raia de Ouro' 2015
Por Redacción |
-
Portonovo despide a vixésima edición da Festa da Raia
Por Redacción |
-
Trece entidades ultiman a XX Festa da Raia que encherá Portonovo en Semana Santa
Por Redacción |
-
Fran Rico recibe a insignia de ouro do Portonovo S.D.
Por Ramiro Espiño |