'Galiza sen peaxe' bloqueará este sábado as cabinas da autoestrada en Campañó
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O movemento 'Galiza sen peaxes' ten previsto organizar ás 17:30 horas desta tarde do sábado 29 un acto reivindicativo nas cabinas da peaxe da autoestrada situadas en Campañó.
Este movemento está organizado polo BNG e consistirá no pagamento do prezo da tarifa da peaxe con céntimos de euro co obxectivo de que se retarde o paso de vehículos. Os organizadores entregarán folletos informativos entre os condutores.
A intención desta protesta é que, en primeiro lugar, se conxelen os prezos das peaxes da AP-9, que se cumpra de xeito estrito dos compromisos das concesionarias en relación á calidade do servizo, tanto en relación cos cobradores coma coa iluminación e asfaltado dos viais. Pero a intención final é que, a través desta protesta, se inicie un proceso de rescate por parte da Administración pública das autoestradas que permita a súa integración na rede viaria galega e rematen converténdose en viais gratuítos.