Galicia é a Comunidade Autónoma que ten o maior ratio de escolarización por poboación 0 a 3 anos de toda a España
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/69c/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/66dedd2f33-whatsapp-image-2024-09-09-at-13.31.40.jpeg)
© PontevedraViva
![](/web/cache/scene/uploads/fotos/foto/d0c/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66dedd7c4e-whatsapp-image-2024-09-09-at-13.31.17.jpeg)
© PontevedraViva
O director xeral de Familia e Dinamización Demográfica, Jacobo Rey, visitou este luns a Escola Infantil O Toxo, acompañado do delegado territorial da Xunta en Pontevedra, Agustín Reguera e do concelleiro de educación, Demetrio Gómez que comprobaron o resultados das obras acometidas no pasado mes de agosto consistentes na renovación dos chans de varias aulas.
O investimento global da Xunta de Galicia este verán en toda a rede de escolas infantís foi de, aproximadamente, tres millóns de euros.
O pasado venres comezou o curso nesta etapa e estes primeiros días están a ser de adaptación progresiva para os nenos que acoden ás escolas infantís e tamén para as súas familias.
Nos últimos anos está a vivirse un repunte no acceso ás escolas infantís de 0 a 3 anos.
Segundo explicou Jacobo Rey isto débese fundamentalmente a dous factores: por unha banda á implantación do programa de gratuidade que comezou no ano 2020 e que no ano 2022 xeneralizouse "iso provocou que as familias que non tiñan capacidade para poder levar aos seus fillos a unha escola infantil agora si que poden, o que fixo aumentar os índices de escolarización".
Neste momento, Galicia é a Comunidade Autónoma que ten o maior ratio de escolarización por poboación 0 a 3 anos de toda a España, "iso é un dato obviamente moi positivo", valorou.
E doutra banda, súmase a recuperación económica experimentada nos últimos anos cunha mellora moi significativa dos datos de emprego, "o que provocou que en moitas familias, os dous proxenitores, volven traballar e iso conleva maiores necesidades de conciliación".
"Esa demanda aumentou porque as familias tamén necesitan máis ese recurso", apuntou o director xeral de Familia e Dinamización Demográfica.
En Galicia tanto o consorcio de titularidade municipal, as escolas de iniciativa social, as escolas privadas, toda esta rede é gratuíta para as familias.
En toda Galicia hai máis de 32.000 prazas de escolas infantís de 0 a 3 anos, máis da metade son de titularidade pública. "Con todo, o importante para as familias é que a gratuidade afecta ao conxunto de prazas", insistiu Jacobo Rey.
"Galicia é do conxunto de España unha das comunidades na que o pulo da titularidade pública é maior. Temos unha ratio de escolarización en escolas públicas maior que a media precisamente pola existencia de recursos como as escolas infantís da Galiña Azul ou estas escolas da Xunta de Galicia como O Toxo, como Campolongo ou como a Escola do complexo administrativo de Campolongo que dá servizo especialmente ás empregadas e empregados públicos da Xunta", concluíu o director xeral.
Relacionadas:
-
Estudantes de Medicina e de Fisioterapia comezan as prácticas no complexo hospitalario pontevedrés
Por Oskar Viéitez |
-
O campus de Pontevedra recupera a vida coa volta do alumnado
Por Oskar Viéitez |
-
Festa de volta ao cole na zona monumental
Por Oskar Viéitez |
-
A EOI de Pontevedra inicia novo curso cunha oferta diversificada en idiomas e modalidades de aprendizaxe
Por Noticia patrocinada |
-
As familias do CEIP San Clemente rexeitan a eliminación de docentes e dunha unidade de Infantil, un "absurdo recorte"
Por Redacción |
-
Estrea do CIFP de Cantería de Galicia cun curso de formación para docentes
Por Redacción |