![](/web/cache/scene/uploads/fotos/foto/beb/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/66defefb71-poiniciocurso4.jpg)
© Universidade de Vigo
O campus de Pontevedra recupera a vida coa volta do alumnado
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/cec/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66defed24b-poiniciocurso3.jpg)
© Universidade de Vigo
![](/web/cache/scene/uploads/fotos/foto/988/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66deff29da-poiniciocurso2.jpg)
© Universidade de Vigo
![](/web/cache/scene/uploads/fotos/foto/7e2/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66deff4fc8-poiniciocurso1.jpg)
© Universidade de Vigo
O alumnado regresou este luns ás aulas do campus de Pontevedra.
Centos de estudantes de novo ingreso cruzaron por vez primeira as portas das facultades nas que durante os próximos anos cursarán as titulacións para as que se matricularon nalgunha das 770 prazas que a Universidade ofertou na cidade do Lérez para o curso 2024/2025.
O campus de Pontevedra é o que ten a taxa de matriculación máis elevada da Uvigo cun 106,23%.
Comezou hoxe un curso no que o período lectivo desenvolverase en dous cuadrimestres comprendidos entre o 9 de setembro e o 24 de xaneiro e entre o 27 de xaneiro e o 6 de xuño.
A actividade académica parará entre o 21 de decembro e o 7 de xaneiro e entre o 14 e o 21 de abril, tendo ademais carácter festivo o 28 de xaneiro, co gallo da celebración de San Tomé, así como o 3 e o 4 de marzo por mor do entroido. Así mesmo, cada centro terá a súa propia xornada festiva, para celebrar cadanseu patrón ou patroa.
Para a vicerreitora Eva María Lantarón o curso arranca co obxectivo de continuar avanzando no proxecto de especialización Campus Crea.
Nese senso, a vicerreitora explica que, a raíz de recentes modificacións regulamentarias, está previsto "manter reunións coa Xunta de Galicia, para ver como nos afectarían e direccionar as nosas vías de traballo cara o obxectivo de conseguir a súa acreditación o antes posible".
Ao mesmo tempo, Lantarón destacaba tamén o positivo inicio do curso en termos de alumnado de novo ingreso no campus, despois de que todas as titulacións cubrisen as súas prazas ata acadar un 106% de ocupación e 818 estudantes matriculados. A única excepción: Enxeñaría Forestal, "na que se vai continuar coas actividades de promoción e difusión para conseguir unha maior captación, xa que a matrícula non é acorde coas saídas profesionais e a elevada inserción laboral que ten o título", asegura a vicerreitora.
Relacionadas:
-
A Universidade de Vigo programa tres concertos no Teatro Principal, gratuítos e abertos a toda a cidadanía
Por Oskar Viéitez |
-
Estudantes de Medicina e de Fisioterapia comezan as prácticas no complexo hospitalario pontevedrés
Por Oskar Viéitez |
-
Festa de volta ao cole na zona monumental
Por Oskar Viéitez |
-
Galicia é a Comunidade Autónoma que ten o maior ratio de escolarización por poboación 0 a 3 anos de toda a España
Por Oskar Viéitez |
-
Estrea do CIFP de Cantería de Galicia cun curso de formación para docentes
Por Redacción |
-
O campus de Pontevedra arranca o curso dando a benvida ao alumnado que este ano comeza a súa vida universitaria
Por Oskar Viéitez |
-
Por primeira vez este curso impartirán clase profesores nados no século XXI
Por Oskar Viéitez |
-
Novo curso académico na UNED de Pontevedra con máis de 250 actividades de extensión universitaria
Por Redacción |