Estrea do CIFP de Cantería de Galicia cun curso de formación para docentes
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Centro Integrado de Formación Profesional (CIFP) de Cantería de Galicia, recentemente transformado nesta categoría pola Xunta de Galicia, comeza a súa actividade neste novo formato cun curso especializado para profesores titulado "Estereotomía avanzada e modelaxe para a cantería tradicional. Deseño e construción de elementos complexos en pedra".
O curso conclúe este venres 6 de setembro e foi inaugurado polo novo director do centro, David Alvariño.
Esta formación está organizada polo Centro Galego de Innovación da Formación Profesional Eduardo Barreiros, en colaboración co CIFP de Cantería, que está situado en Poio.
A docencia corre a cargo dun profesor de Cantería do propio centro, xunto cun profesional de recoñecido prestixio no ámbito das bóvedas e elementos construtivos singulares.
Tras a súa recente transformación en CIFP por decreto, o centro ofrecerá catro títulos de Formación Profesional para o próximo curso académico.
Dous destes ciclos impartiranse na modalidade Dual Intensiva, que combina a formación no centro educativo coas prácticas remuneradas en empresas.
Actualmente, aínda hai prazas dispoñibles para estes ciclos formativos, e as persoas interesadas poden formalizar a súa inscrición.
Relacionadas:
-
O campus de Pontevedra recupera a vida coa volta do alumnado
Por Oskar Viéitez |
-
Galicia é a Comunidade Autónoma que ten o maior ratio de escolarización por poboación 0 a 3 anos de toda a España
Por Oskar Viéitez |
-
Todo listo para recibir o novo curso nos colexios de Soutomaior
Por Redacción |
-
Xa é oficial! A Escola de Cantería é un Centro integrado de FP
Por Oskar Viéitez |
-
A Escola de Cantería transfórmase nun centro especializado en edificación, construción e cantería
Por Redacción |
-
A Escola de Cantería de Poio incorpora catro novas titulacións tras a súa conversión nun centro integrado de FP
Por Redacción |