O Concello de Caldas critica a eliminación de docentes e unha unidade de Infantil no CEIP San Clemente
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O tenente de alcalde en Caldas de Reis, Manuel Fariña, carga críticas contra a Xunta, e concretamente contra a Consellería de Educación, pola eliminación no CEIP San Clemente dunha unidade de Infantil e dous docentes.
Dada a circunstancia este próximo curso, argumenta, farase un agrupamento de escolares de tres e catro anos dada a perda de matrículas que había sobre o curso anterior "e tamén un recorte de polo menos dous mestres e mestras e por tanto menos atención especializada", circunstancia que cualifica de "especialmente grave se temos en conta que non lles foi comunicado ás familias do alumnado".
O representante nacionalista no Concello de Caldas incide na repercusión negativa na calidade educativa e expón que "non se pode aceptar que desde a Xunta vexan ao alumnado coma se fosen simples números, que enchan unha clase ata o máximo permitido por lei e xa está", "é máis efectivo e préstase mellor atención nunha aula con menos alumnos e alumnas que nunha aula, sobre todo cando se dan casos con necesidades específicas".
Na súa opinión esta circunstancia debería ser "unha oportunidade de baixar as cocientes de escolares por aula e mellorar a calidade do ensino público en Caldas. Con todo o PP non atende unha vez máis ás circunstancias e aproveita para facer recortes".
Relacionadas:
-
Solicitan medidas de protección para os funcionarios durante as obras nos xulgados de Caldas
Por Oskar Viéitez |
-
O PP de Caldas denuncia a "situación límite" da depuradora e alerta de que pode haber problemas de subministración
Por Redacción |
-
O Concello de Caldas cualifica de "temeraria" a situación da atención sanitaria no municipio
Por Redacción |