Tech Kids impulsa o talento dixital da infancia a través dun obradoiro o 29 de agosto
Por Redacción
A Aula CeMIT de Pontevedra, situada no edificio administrativo da Deputación Provincial, acollerá o vindeiro xoves 29 de agosto unha acción formativa dentro do proxecto 'Tech Kids. Argallando entre xeracións'.
A xornada formativa ten como obxectivo que nenas e nenos de entre os 12 e os 18 anos poidan poñer en práctica o seu talento dixital e a súa capacidade de resolución de problemas, á vez que desenvolven competencias persoais nunha contorna colaborativa.
O obradoiro será en horario de 9:30 a 13:30 horas, ten 27 prazas e as inscricións poden facerse a través do sitio web da rede CeMIT.
A formación abordará distintas temáticas: o deseño guiado de modelado en 3D orientado á fabricación FDM (modelado por deposición fundida), unha práctica guiada de construción e programación dun robot que implemente unha placa controladora para xestionar os compoñentes e comunicarse con outros robots na aula, prácticas supervisadas de pilotaxe de drons en interior, experiencias inmersivas en realidade virtual, unha introdución guiada ao ensamble e á configuración de deseños de sistemas electrónicos con microcontroladores ou unha introdución guiada á Raspberry Pi.
Relacionadas:
-
A Aula CEMIT de Cuntis ofrece máis de 100 horas formativas durante o verán
Por Oskar Viéitez |
-
A Deputación organiza dous cursos para formar os máis pequenos en competencia dixital
Por Redacción |
-
Este luns comezan novos cursos de español gratuítos para que inmigrantes poidan solicitar a nacionalidade española
Por Oskar Viéitez |