A Deputación organiza dous cursos para formar os máis pequenos en competencia dixital
Por Redacción
A Deputación de Pontevedra ofrecerá en xullo dous cursos destinados a formar aos nenos e nenas en competencias dixitais, no marco do proxecto 'CRI-TIC, Infancia e Mocidade con criterio dixital' da Fundación Esplai Cidadanía Comprometida.
Este proxecto ten como obxectivo principal a adquisición de competencias dixitais desde a infancia, promovendo a inclusión dixital e o desenvolvemento de habilidades como a creatividade, o pensamento crítico e o traballo en equipo a través de actividades lúdicas e participativas. Cada curso consta de cinco etapas nas que os alumnos deberán completar un total de seis misións, cada unha cunha duración estimada de 60 minutos.
Os cursos desenvolveranse de luns a venres de 11:30 a 13:30 horas entre o 1 e 22 de xullo e están destinados a nenos e nenas de 9 a 11 anos e de 14 a 17.
No primeiro deles, o alumnado descubrirá os beneficio das TIC, as fake news, que é a identidade dixital e a 'netiqueta', así como previr o acoso, protexer os seus datos persoais e dispositivos, ou sobre bibliotecas dixitais, ferramentas de deseño e participación cidadá.
No segundo, pola súa banda, aprenderán sobre redes sociais e saúde mental, protección de datos persoais e privacidade, identidade, pegada dixital e 'netiqueta', lecer saudable, ciberseguridade e prevención do ciberacoso, creatividade dixital e procura de emprego.
Ambos os cursos celebraranse na aula CeMIT de Pontevedra, situada no Edificio Administrativo da Deputación. As persoas interesadas en asistir aos cursos poden inscribirse ata o próximo 28 de xuño a través do correo electrónico cemit.pontevedra@xunta.gal.
Relacionadas:
-
Tech Kids impulsa o talento dixital da infancia a través dun obradoiro o 29 de agosto
Por Redacción |
-
O PP pide ao Concello de Pontevedra que poña en marcha un plan estratéxico especialmente enfocado no emprego xuvenil
Por Oskar Viéitez |
-
Poio inaugura os cursos gratuítos de alfabetización e competencias dixitais transversais
Por Oskar Viéitez |
-
A Deputación destina 1,8 millóns de euros para deporte, investimentos en concellos e benestar social
Por Oskar Viéitez |
-
A aula de informática da Reiboa programa oito cursos gratuítos de alfabetización e competencias dixitais
Por Redacción |