Os primeiros incendios do verán poñen en alerta á comarca
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/018/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c07981f4-whatsapp-image-2024-08-16-at-21.31.03-1-.jpeg)
© PontevedraViva
![](/web/cache/scene/uploads/fotos/foto/ef5/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c079cacf-whatsapp-image-2024-08-16-at-21.31.03-2-.jpeg)
© PontevedraViva
Estaba a ser un verán con pouca actividade incendiaria, en comparación con outros anos, pero nas últimas horas producíronse pequenos lumes e conatos que puxeron en alerta máxima á comarca de Pontevedra.
Durante o venres e primeiras horas do sábado rexistráronse incendios en Soutomaior, na Devesa na parroquia pontevedresa de Alba ou en Ponte Sampaio.
De feito o incendio declarado en Arcade obrigou a interromper por precaución o tráfico ferroviario entre Pontevedra e Vigo entre as 17.38 horas e as 19.40 horas do venres pola proximidade do lume ás vías.
A rápida intervención dos medios de extinción e servizos de emerxencia evitou a propagación das lapas e que os danos fosen grandes en Arcade ou A Devesa, onde o lume iniciouse a poucos metros das casas.
No que respecta a Ponte Sampaio, o incendio declarouse á primeira hora deste sábado entre os lugares de Vilar e Rañadoiro, unha incidencia para a que Medio Rural mobilizou medios aéreos, que traballan na zona.
A todo isto súmase un incendio de importantes dimensións no sur da provincia, en Pontereas, que segundo as primeiras estimacións afectou a máis de 40 hectáreas de monte.
Relacionadas:
-
Un petardo en Alba, bengalas na Illa de Arousa, as pegadas que os incendiarios deixaron en agosto
Por Natalia Puga |
-
Pulo en Soutomaior á esterilización para evitar o crecemento de colonias felinas
Por Redacción | Creada e actualizada
-
Interrompen o tráfico ferroviario entre Pontevedra e Vigo por un incendio próximo ás vías
Por Redacción |
-
Incendio forestal en Paredes
Por Redacción |