Declarado un incendio forestal en Paredes
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/9bc/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66bdc2906c-455647578_909325367900143_1953435748775235361_n.jpg)
© Concello de Vilaboa
![](/web/cache/scene/uploads/fotos/foto/20a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66bdc2aaf1-455339237_909325417900138_2038133135821130864_n.jpg)
© Concello de Vilaboa
Efectivos de extinción de incendios mobilizáronse este mércores en Vilaboa tras declararse un incendio pouco despois das 17.30 horas da tarde.
O lume iniciouse no lugar de Paredes, xerando unha fumareda visible desde varios quilómetros de distancia.
Segundo confirmou a Consellería do Medio Rural, mobilizáronse para a súa extinción medios terrestres e aéreos.
En concreto participan no dispositivo catro axentes, oito brigadas, cinco motobombas, dous técnicos, catro avións e catro helicópteros.
O alcalde César Poza agradeceu a todas as persoas de Paredes que estiveran pendentes do lume, dando a voz de alarma primeiro e formando un retén vixiante mentras non estivo controlado.
Tamén agradecía a través das redes sociais o traballo do equipo de voluntariado de Emerxencias Protección Civil de Vilaboa pola súa rápida actuación e a súa coordinación en todo momento cos efectivos de extinción de incendios da Xunta, que "non escatimaron medios para frear o lume".
Segundo indica, foi necesario cortar o subministro eléctrico como medida preventiva polo que algunha vivenda quedou sen luz durante varias horas á espera de que se puidera repor o servizo con garantías.
Tanto este lume, que afectou a arredor de nove hectáreas, como outro que se producía en Caldas foron extinguidos durante as últimas horas do mércores.
PONTEVEDRA ||declarado incendio en vilaboa pic.twitter.com/qY8j9xf06k
— Incendios galicia (@Incendiosgalic1) August 14, 2024