![](/web/cache/scene/uploads/fotos/foto/ba6/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/66bddaf548-002.jpg)
© Concello de Vilagarcía de Arousa
Humor e cor no inicio das Festas de San Roque en Vilagarcía
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/740/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66bddaf594-006.jpg)
© Concello de Vilagarcía de Arousa
![](/web/cache/scene/uploads/fotos/foto/16e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66bddaf540-0013.jpg)
© Concello de Vilagarcía de Arousa
Este mércores 14 de agosto arrancaron as Festas de San Roque en Vilagarcía de Arousa, marcando o inicio dunha semana chea de actividades e celebracións.
O escritor e xornalista Alberto Avendaño foi o encargado de dar o pregón, con moito humor, dende o balcón da casa consistorial, onde compartiu a súa experiencia de vida e o seu regreso á vila tras trinta anos en Estados Unidos: "Deixei o poder de Washington polo querer de Arousa", afirmou Avendaño, quen expresou a súa felicidade por estar de volta na súa terra natal, destacando que "sempre acabamos chegando a onde nos esperan".
Logo do pregón, a comitiva, acompañada pola Banda de Música de Vilagarcía, desfilou polas rúas da cidade ata a Praza de España, onde se realizou a tradicional ofrenda floral ao Santo patrón.
O programa continúa este xoves 15 de agosto cunha oferta musical variada na Praza de Galicia.
Ás 20:00 horas, o proxecto Cruceros Manzanares, liderado pola artista vilagarciá Enma Castañeiras, ofrecerá un concerto cheo de nostalxia cos ritmos dos setenta e oitenta.
A xornada musical culminará coas actuacións de The Eskarallas ás 22:30 horas, e o divertido percorrido polos rúas da cidade coa Festicultores Troupe ás 23:30 horas.
Mañá, venres 16 de agosto, a celebración alcanzará o seu punto álxido coa popular Festa da Auga, que dará comezo ás 12:00 horas.
Inicio das Festas de San Roque 2024
O escritor Alberto Avendaño foi o encargado de ler o pregón
© Concello de Vilagarcía de Arousa
Relacionadas:
-
A visita dos Bolechas, a batalla de flores e o Combate Naval poñerán fin ás Festas de San Roque
Por Redacción |
-
Domingo 25 de agosto, nova data para o Combate Naval en Vilagarcía debido á chuvia
Por Anxo Lourido |
-
A dozura eléctrica de Anni B Sweet deixa paso ao novo flamenco de Antonio Carmona nas Festas de San Roque
Por Redacción |
-
Multitudinaria Festa da Auga para combater a calor
Por Redacción |
-
72 persoas traballarán no dispositivo de limpeza durante a Festa da Auga
Por Anxo Lourido |
-
Comezan os cortes de tráfico nas Festas de Vilagarcía
Por Redacción |
-
Inicio do operativo especial de tráfico pola ponte do 15 de agosto
Por Redacción | Creada e actualizada
-
Dispositivos especiais de seguridade supervisarán as Festas de San Roque
Por Redacción |
-
Alberto Avendaño será o pregoeiro das Festas de San Roque 2024
Por Redacción |
-
A ópera soará nas Festas de San Roque cun tributo a Pavarotti e a Montserrat Caballé
Por Redacción |