Caldas inaugura a nova oficina de turismo cun concerto de Fetén Fetén en formato cuarteto
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Concellería de Turismo do Concello de Caldas previu unha actuación musical este próximo domingo 4 de agosto para inaugurar a nova oficina de turismo na Rúa Real.
Trátase con todo dunha instalación provisional cuxa localización é máis estratéxica que a da Tafona, xa que neste caso, atópase no Camiño de Santiago á súa entrada en Caldas e por tanto é un lugar por onde pasan miles de peregrinantes.
Manuel Fariña sinalaba respecto diso que "o número de persoas que visitan Caldas aumenta continuamente e este auxe de visitantes obrigaba a mellorar os medios para a atención turística, buscando un maior impacto e consecuentemente, un maior retorno para a vila".
Nesa liña o concelleiro nacionalista engadía que "o turismo debe ser un eixo estratéxico de goberno, xa que Caldas ten moitos recursos que aproveitar; principalmente que é a única vila termal do Camiño de Santiago".
Esta nova oficina de turismo estará operativa a comezos da próxima semana. Antes, para a súa inauguración, o domingo 4 a partir das 21.00 horas na Praza das Palmeiras, o dúo burgalés Fetén Fetén ofrecerá unha actuación na que estarán acompañados de Pedro Pascual e Xosé Lois Romero.
Relacionadas:
-
A Feira Tradicional prende este domingo os días máis festivos do verán en Caldas
Por Redacción |
-
Izado das bandeiras azul, Q e S de Calidade e Sostibilidade turística en Portonovo
Por Redacción |
-
Celebración na Banda de Música de Caldas polo primeiro premio no Certame Internacional ‘Ciutat de València’
Por Redacción |
-
Panorama, Sés, Xabier Díaz e Combo Dominicano animarán Caldas nas festas de verán
Por Redacción |
-
Serafín Zubiri homenaxea a Nino Bravo, xunto coa Banda Municipal de Caldas de Reis
Por Redacción |