Acordo en Barro para rexeitar o paso por Curro da liña de evacuación do parque eólico do Castrove
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A corporación municipal do Concello de Barro celebrou a última hora do luns un pleno extraordinario coa intención de debater e aprobar unha alegación conxunta de todos os grupos políticos contra o paso polo municipio da liña de evacuación do parque eólico proxectado no Monte Castrove.
Este proxecto, que se atopa en fase de exposición pública, aínda que non contempla a implantación de aerogenedores en Barro si afectaría directamente o concello debido á liña de alta tensión que baixaría desde o complexo ata o polígono de Outeda, atravesando o lugar de Curro.
En concreto de saír adiante o parque eólico está prevista unha liña de evacuación desde o alto do Castrove ata o lugar de Bretoña, por onde pasaría enterrada para volver saír á superficie en Curro ata o polígono de Outeda.
A alegación aprobada polo pleno municipal rexeita as pretensións da empresa afirmando que causaría graves afeccións e impacto ambiental e paisaxístico.
De feito o alcalde, Xosé Manuel Fdez. Abraldes, valorou o acordo plenario adoptado por unanimidade "moi positivamente" ao rexeitar "unha alternativa que afectaría moito ao presente e futuro da parroquia e da veciñanza de Curro".
Relacionadas:
-
Barro mellora a súa rede viaria nas parroquias de Valiñas e Curro
Por Redacción |
-
Acordo en Barro para rexeitar o paso por Curro da liña de evacuación do parque eólico do Castrove
Por Redacción |
-
O Concello de Poio alega contra a instalación dun parque eólico no Castrove
Por Oskar Viéitez |
-
A SCD Raxó alega contra o parque eólico do Castrove polo seu "forte impacto no territorio"
Por Redacción |
-
Unanimidade da corporación de Poio contra o parque eólico no Castrove
Por Oskar Viéitez |
-
O Concello de Barro e colectivos veciñais alegan contra o parque eólico previsto no monte Castrove
Por Oskar Viéitez |