2,5 millóns de euros da Unión Europea permitirán modernizar o castelo de Soutomaior
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Deputación de Pontevedra recibiu 2,5 millóns de euros de fondos Next Generation da Unión Europea.
Este diñeiro destinarase a potenciar a modernización do castelo de Soutomaior.
Segundo indican desde a institución provincial, o diñeiro destinarase a potenciar a iluminación deste Ben de Interese Cultural, mellorar a accesibilidade á Torre da Homenaxe, ademais de introducir as novas tecnoloxías de realidade virtual para as visitas ao castelo.
Está previsto que se realicen reformas nas instalacións eléctricas e na iluminación, por quedarse obsoletas, indican desde o goberno provincial da Deputación de Pontevedra.
A nova iluminación será máis eficiente e vai integrarse no espazo histórico para destacar o valor histórico, arquitectónico e artístico do conxunto histórico, garantindo o tránsito seguro durante as visitas nocturnas.
Na Torre da Homenaxe será cambiada a actual escaleira de caracol por outra de mellores prestacións, adaptándose á normativa vixente de funcionalidade, seguridade e accesibilidade.
Tamén se instalarán ferramentas tecnolóxicas que permitan a través de dispositivos móbiles realizar un percorrido virtual dentro e fóra do castelo utilizando técnicas como a realidade virtual e outros formatos de inmersión.
Esta posibilidade permitirá, segundo a institución provincial, chegar a novos públicos.
Relacionadas:
-
Petición a Correos dun selo conmemorativo polo aniversario do nacemento da feminista María Vinyals
Por Redacción |
-
Deputación de Pontevedra e Concello de Caldas reciben unha axuda de 4 millóns de euros do Goberno para dinamización turística
Por Redacción |
-
Empresarias Galicia celebrou o seu foro no Castelo de Soutomaior
Por Oskar Viéitez |
-
A historia esquecida do Castelo de Soutomaior, protagonista dunhas xornadas en maio
Por Redacción |