Promoven a creación dunha comunidade enerxética local en Ribadumia
Por Oskar Viéitez
O Concello de Ribadumia estuda a viabilidade de crear unha comunidade enerxética local.
Trátase dun proxecto colectivo en que veciños, empresas e o Concello asócianse para xestionar a súa propia enerxía, sempre que se atopen nun radio máximo de 2 quilómetros en relación ao punto de produción da enerxía fotovoltaica.
Este aproveitamento enerxético supón un considerable aforro nas facturas enerxéticas das persoas que participen desta comunidade.
A intención do goberno local é poñer a disposición desta comunidade enerxética as cubertas dos edificios de titularidade municipal para a instalación dos paneis fotovoltaicos que xeren enerxía renovable para o autoconsumo colectivo.
O alcalde de Ribadumia, David Castro, ven de manter unha reunión de traballo co deputado provincial, Javier Tourís, e cos técnicos da Oficina de Transformación Comunitaria + Renovables para estudar posibles apoios a este proxecto.
O desexo do alcalde é que se destine unha porcentaxe da enerxía fotovoltaica producida para ás persoas en situación de vulnerabilidade enerxética.
Relacionadas:
-
Aposta por crear unha comunidade enerxética local en Moraña
Por Redacción |
-
A nova Oficina de Transformación Comunitaria do polígono de Barro, en proceso
Por Redacción |
-
O Viveiro de Barro acollerá unha oficina para fomentar o desenvolvemento de comunidades enerxéticas
Por Oskar Viéitez |
-
O primeiro proxecto piloto da comunidade enerxética da Illa de Arousa por fin verá a luz
Por Oskar Viéitez |