O goberno local buscará o apoio da oposición para o aparcadoiro subterráneo no Parque Eguren
Por Oskar Viéitez
O concelleiro de Urbanismo, Manuel Santos, informou que o goberno local cre que apostar por un aparcadoiro subterráneo é "esencial para cubrir a demanda de estacionamento", cubrindo o fluxo móbil e dando, á súa vez, servizo á veciñanza do centro que busca alugar unha praza de garaxe.
Por iso, asegura que "con este proxecto no Parque Eguren poderemos dotar a Marín de máis de 200 novas prazas de estacionamento e dunha mellor organización da mobilidade".
"Témolo claro e por iso pediremos a toda a corporación que mostre o seu apoio a seguir avanzando na tramitación deste proxecto, que será difícil no seu proceso burocrático, pero para o que xa non podemos agardar máis", explica Santos, que considera "clave" que unha actuación tan relevante poida facerse "de xeito unánime".
Na comisión informativa celebrada esta semana, o concelleiro de Urbanismo trasladou ao resto de grupos da corporación unha copia do estudio económico-financeiro do parking subterráneo cos datos económicos actualizados ao mercado actual.
Santos explica que "no casco urbano, temos que intentar mellorar a nosa forma de desprazarnos. Non pode ser que para traxectos de cinco minutos collamos o coche, podendo apostar por ir camiñando. Iso foi o que nos mostrou o PMUS, o Plan de Mobilidade Sostible, que ten que axudarnos a tomar decisións coherentes para mellorar neste sentido".
A isto, hai que sumar "todo o tráfico que temos de ida e volta ao noso núcleo urbano, tanto por parte da xente que ven do rural como das persoas que veñen a Marín a traballar desde moitos puntos da provincia", engade Santos, e que maioritariamente se desprazan en vehículo privado.
Outra cuestión que o PMUS puxo enriba da mesa, segundo indicou o edil, é "unha cifra real e obxectiva do número de aparcamentos que temos no centro urbano, gratis e públicos" e como están repartidos, "porque non podemos propoñer facer aparcamentos por facer en lugares onde hai suficientes prazas e pretender que con iso arranxemos as zonas tensionadas".
Santos aclara que nas principais zonas do centro hai rexistradas 2.415 prazas de aparcamento, das cales 1.548 son libres, 25 de mobilidade reducida e 62 de carga e descarga.
As 780 restantes correspóndense coas de nova creación dos aparcadoiros públicos gratuítos da zona portuaria, a Praza do Regueiro, Concepción Arenal, Sagrada Familia, República Arxentina I e II, Inferniño, Quevedo, Jaime Janer, Virxe do Carme e Ponte Zapal.
Ademais destes datos, Santos apunta a un que considera "moi relevante" á hora de entender esta situación e que "o Instituto Galego de Estatística mostra que nos últimos 10 anos houbo un incremento de máis de 2.100 vehículos en Marín. É imposible que absolutamente todos teñan espazo para estacionar na rúa".
Relacionadas:
-
O PSOE de Marín reclama a xestión municipal do aparcadoiro do Eguren
Por Redacción |
-
A oposición reclama ao goberno de María Ramallo que solucione a falta de aparcamentos en Marín
Por Oskar Viéitez |
-
O PSOE marinense esixe cambios no proxecto do parque Eguren e o BNG reafirma a súa oposición
Por Redacción |
-
O PSOE propón converter a estrutura do Mercado de Cantodarea nun aparcamento en altura
Por Oskar Viéitez |
-
Mantéñense as prazas para aparcar en toda a beirarrúa anexa aos edificios da Avenida de Ourense
Por Oskar Viéitez |
-
A Xunta licita por preto de 6,3 millóns de euros a obra da senda Mollavao-Praceres
Por Oskar Viéitez |
-
Impoñen 90 multas pola mala utilización da Zona 2H de aparcamento no centro de Marín
Por Redacción |
-
Operación de retirada de vehículos abandonados nos aparcadoiros públicos de Marín
Por Redacción |
-
Ramallo advirte de que o 90% dos desprazamentos en coche no centro urbano de Marín é para traxectos de menos de 5 minutos
Por Oskar Viéitez |
-
María Ramallo cre que Marín debe impulsar canto antes un aparcamento soterrado
Por Redacción |