Marín reparte un novo lote de 100 composteiros individuais de Sogama
Por Redacción
O Concello de Marín volverá repartir un novo lote de 100 novos composteiros entre a veciñanza para continuar avanzando na implantación da compostaxe individual no municipio.
A concelleira de Medio Ambiente, Marián Sanmartín, indicou que, ademais dos composteiros, repartiranse uns pequenos cubos domésticos para poder ter na cociña e nos que depositar os restos orgánicos que despois acabarán na compostaxe.
Todas as persoas que estean interesadas en reservar un composteiro poderán facelo escribindo un correo electrónico a alcaldia@concellodemarin.es antes do vindeiro venres 14 de xuño.
O Concello fai esta repartición da man de Sogama e sinala que a compostaxe individual está a ser unha iniciativa medio ambiental "con moi boa resposta" na vila.
Relacionadas:
-
15 de xuño, data de entrega de composteiros na Casa de Cultura de San Xulián
Por Redacción |
-
Boa acollida dos composteiros individuais en Marín
Por Redacción |
-
Os composteiros do Plan Revitaliza na Cañota e O Sequelo xa levan tratadas once toneladas de biorresiduos
Por Redacción |
-
O composteiro do Sequelo entra en fase de repouso e habilítase un segundo caixón
Por Redacción |