A conselleira María Martínez visita Valdecorvos para promocionar a vivenda pública
Por Anxo Lourido
María Martínez Allegue, conselleira de Vivenda e Planificación de Infraestruturas, coincidía con Luis López, presidente provincial do PP de Pontevedra, no barrio de Valdecorvos dentro dun acto de campaña do Partido Popular.
López reclamou ao Goberno central unha adecuada xestión no tema da vivenda ao entender que resulta de suma importancia para os máis novos e afirmou que nesta materia precísase xestión, "o que mellor se lle dá ao PP", apuntaba.
Lembrou que a vivenda é unha competencia á que se destinan, de maneira directa ou indirecta, fondos europeos e pediu o voto para os populares argumentando que é necesaria unha política realista e útil para garantir o acceso de todas a un fogar.
A conselleira de Vivenda, pola súa banda, lembrou que está previstas máis de 500 vivendas en Valdecorvos, 74 delas xa en marcha. A este número sumaranse dous grupos máis de 56 e 46 residencias familiares, que foron autorizadas polo Concello de Pontevedra.
Desta forma, María Martínez destacou as 178 novas vivendas de promoción pública, ao engadir as 74 xa licitadas polo Instituto Galego da Vivenda e Solo.
Nos proxectos previstos un dos edificios ofrecerá unha altura de baixo, catro plantas e baixo cuberta, con 56 vivendas, garaxes, rochos e locais en tres bloques independentes composto por planta soto, común aos tres bloques; planta baixa; catro altas e baixo cuberta. Este inmoble construirase nunha parcela de 3.201 m2 de superficie.
O de 48 vivendas instalarase nunha parcela de 1.147 m2. Distribuiranse en dúas pratas de soto, planta baixa, seis plantas de altura e baixo cuberta.
Para as construcións en novas parcelas, a conselleira recoñeceu que o seu departamento está en conversacións coa concellería que leva Alberto Oubiña para decidir o terreo, entre dous ou tres solos, para crear máis fogares de promoción pública en Pontevedra. "Están sendo frutíferas", asegurou María Martínez en relación a estes encontros co Concello pontevedrés.
Relacionadas:
-
Valdecorvos, camiño de converterse no barrio das 500 vivendas protexidas
Por Natalia Puga & Mónica Patxot |
-
Os menores de 36 anos terán prioridade para lograr a metade das 74 novas vivendas de promoción pública de Valdecorvos
Por Natalia Puga & Mónica Patxot |
-
O Concello e a Xunta desenvolverán solo en Pontevedra para novas vivendas protexidas
Por Oskar Viéitez & Cristina Saiz |
-
Lores reúnese esta semana coa conselleira Martínez Allegue para planificar o parque de vivenda pública
Por Redacción |
-
Impulso a 104 novas vivendas de promoción pública en Valdecorvos
Por Alejandro Espiño |
-
Valdecorvos e Tafisa, as 'preferidas' para promover ata 150 novas vivendas de promoción pública
Por Alejandro Espiño |