Dous identificados, un deles menor de idade, por coar billetes falsos nas festas de Campelo
Por Oskar Viéitez
A Policía Local de Poio identificou a dous mozos, un deles menor de idade, que coaron billetes falsos aos comerciantes da Festa de Fátima, en Campelo, en distintas transaccións económicas.
Os axentes teñen constancia da utilización de dous billetes de 10 e outro de 50 euros.
Despois de ser alertados por un vendedor na zona de festas, a Policía Local logrou identificar a dous mozos, veciños de Pontevedra, cando trataron de cambiar outro billete falso.
A Policía Local está a investigar se hai máis afectados polo que apela á colaboración da cidadanía para avisar da existencia dalgún outro caso porque "cremos que colocaron máis billetes na noite do festivo".
As dilixencias entregáronse no Xulgado de Garda e na Fiscalía de menores. Os billetes foron intervidos para facer unha análise.
Os billetes en euros incorporan unha serie de elementos de seguridade avanzados que permiten distinguilos facilmente dos falsos e que teñen un efecto disuasorio para os falsificadores.
Calquera cidadán pode comprobar a lexitimidade dun billete en euros en poucos segundos utilizando o método "toque, mire, vire", sen recorrer a dispositivos de verificación.
Relacionadas:
-
A reforma da PO-308 incluirá a reposición do saneamento na avenida da Cruz, en Combarro
Por Redacción |
-
Aparatoso incendio nun garaxe de Marín
Por Oskar Viéitez | Creada e actualizada
-
O BNG e o PSOE solicitan ao Concello de Poio a reactivación da Mesa de Coordinación Policial para facer fronte á violencia machista
Por Oskar Viéitez |
-
Aparecen crías de gato abandonadas nun contedor de Portocelo
Por Redacción |
-
A Festa da Fátima estreará o protocolo policial de intervención por violencias sexuais
Por Oskar Viéitez |