Comezan as obras da residencia de maiores e o centro de día de Carballedo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/0ad/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/663e90392b-20240510_obraresidencia_slorenzo_06.jpg)
© Deputación de Pontevedra
![](/web/cache/scene/uploads/fotos/foto/4c2/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/663e908380-whatsapp-image-2024-05-10-at-19.30.13-1-.jpeg)
© Concello de Cerdedo-Cotobade
![](/web/cache/scene/uploads/fotos/foto/865/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/663e909ed4-whatsapp-image-2024-05-10-at-19.30.17-1-.jpeg)
© Concello de Cerdedo-Cotobade
O alcalde do Concello de Cerdedo-Cotobade, Jorge Cubela, foi o encargado dar o comezo oficial á construción da residencia de maiores e do centro de día de Carballedo, que terá un investimento duns 4 millóns de euros.
Foi nun acto que contou coa presenza do presidente da Deputación de Pontevedra, Luís López, e o xerente do Consorcio Galego de Servicios Sociais e Igualdade, Perfecto Rodríguez.
Ante unha nutrida presencia de veciños da contorna, Jorge Cubela manifestou a súa satisfacción por este acto no que se comeza a materializar a construción, equipamento e explotación da residencia e centro de día para persoas maiores de Carballedo, tal e como estaba previsto e calendado.
A nova residencia emprazarase en cinco parcelas que suman 10.688 metros cadrados e terá unha superficie de 3.304 metros tras un investimento duns 4 millóns de euros, cunha aportación do Concello de 750.000 euros de fondos propios e un prazo de execución material da obra duns 14 meses
Nunha primeira fase contará con capacidade para 59 residentes, aínda que será susceptible de duplicarse, e xenerará unha vintena de postos de traballo. Tamén se prevé a creación dun centro de día do que se poderán beneficiar entre 16 e 26 usuarios.
Perfecto Rodríguez sinalou que este novo equipamento suporá outro impulso na mellora dos coidados sociosanitarios no municipio. O xerente do Consorcio lembrou que desde fai un ano está a pleno funcionamento a nova residencia.
O presidente da Deputación, Luis López, enumerou tamén os diferentes proxectos que a Deputación ten previsto executar este ano no Concello de Cerdedo-Cotobade e fixo referencia ao orzamento de 845.000 euros do +Provincia reservado para este municipio, que supón un incremento de 75.000 euros con respecto á achega do anterior Plan Concellos do 2023.
Ademais, o Concello recibirá tamén case 50.000 euros do Plan Extraordinario de Infraestruturas Deportivas para mellorar as instalacións do campo de fútbol das Estremas.
A maiores, Deputación e Concello firmaron un convenio ao abeiro do programa PON2030 para a humanización do núcleo dos Castros por máis de 250.000 euros e están en marcha obras de mellora de estradas provinciais como as que unen Serrapio e Portela ou Xesteira e Almofrei que supoñen un investimento de 400.000 e 665.000 euros, respectivamente.