Conclúe a reforma da ponte de Pedre na que se accidentou un autobús na Noiteboa de 2022
Por Redacción
As obras de reforma da ponte de Pedre, en Cerdedo-Cotobade, no que se accidentou un autobús na Noiteboa de 2022 causando sete falecidos, concluíron este xoves.
Tras a retirada dos semáforos de regulación e dos elementos de sinalización, quedarán abertos esta mesma tarde os dous carrís de circulación.
O subdelegado do Goberno en Pontevedra, Abel Losada, aproveitou para mandar unha mensaxe de solidariedade e recordo para as vítimas do accidente e as súas familias e agradeceu de novo o traballo de todo o persoal de emerxencias que participou no rescate.
O investimento nesta actuación foi de 1,10 millóns de euros, lembrou Losada.
Os traballos consistiron no reforzo dos elementos de contención coa construción de peitorís de formigón, a mellora dos pasos peonís laterais, a ampliación do ancho da ponte, a impermeabilización das xuntas de dilatación e a renovación da capa de rodadura.
A esta obra, o Goberno prevé sumar o asfaltado integral de case 18 quilómetros da N-541, a estrada que atravesa esta ponte, entre Cerdedo-Cotobade e Pontevedra.
Este vial, segundo Abel Losada, "como todos os da nosa provincia e os de Galicia acumulan un enorme déficit de mantemento desde fai máis dunha década que temos que resolver".
Relacionadas:
-
Luis López critica o "enésimo desprezo" do Goberno á provincia ao descartar a construción dunha autovía a Ourense
Por Oskar Viéitez |
-
Mellora da accesibilidade na rede interior de camiños de Filgueira
Por Redacción |
-
Homenaxe aos bombeiros condecorados que interviñeron no rescate de Pedre
Por Oskar Viéitez |
-
Transportes quere licitar "canto antes" o asfaltado integral da N-541 cun orzamento estimado de 4 millóns de euros
Por Redacción |
-
Un ano desde a Noiteboa máis negra en Cerdedo
Por Alejandro Espiño |
-
A familia dunha das vítimas do accidente de Pedre reclama medidas de acompañamento para os afectados por estas traxedias
Por Oskar Viéitez |