![](/web/cache/scene/uploads/fotos/foto/c62/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/660e843795-img-20240401-wa0006.jpg)
© Concello de Moraña
Os servizos municipais de Moraña refórzanse coa incorporación de sete traballadores temporais
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Concello de Moraña vén de incorporar sete traballadores temporais que permitirán reforzar, durante todo este ano, o acondicionamento das pistas e das zonas rurais así como a apertura e atención da biblioteca.
Este persoal, que acaba de iniciar recentemente a súa actividade laboral no municipio, vai estar contratado a xornada completa por un período de dez meses grazas a un investimento de 133.124 euros, que será financiado ao 80% pola Deputación de Pontevedra –que achega un total de 104.523 euros– mentres que o 20% restante será sufragado con fondos propios.
En concreto, as incorporacións ao persoal municipal correspóndense con catro peóns forestais, un peón transportista, un monitor de servizos á comunidade e un tractorista.
Todos eles foron recibidos polo alcalde de Moraña, Sito Gómez, que lles deu a benvida e encomendoulles as súas primeiras tarefas co obxectivo de "manter no mellor estado as nosas estradas, as nosas parroquias e os equipamentos e servizos públicos municipais para ter atendidos aos morañeses e que sentan apoiados, como sempre, polo seu Concello".
O rexedor cualificou este reforzo do persoal de "fundamental para que os concellos, especialmente os máis pequenos como o noso, funcionen da mellor maneira posible, xa que estes traballadores permiten que cheguemos a practicamente todos os sitios e a resolver todas as necesidades".
Finalmente, o alcalde destacou que o Concello dispoñerá, ao amparo do Plan +Provincia da Deputación, un orzamento de 544.893 euros, o que supón un incremento dun 8% respecto ao exercicio anterior.
Relacionadas:
-
Moraña habilitará un aparcadoiro público en Santa Lucía
Por Redacción |
-
34 persoas serán empregadas en Cerdedo-Cotobade e Campo Lameiro con financiación provincial
Por Anxo Lourido |
-
Moraña activa as obras de mellora viaria entre O Souto e As Casiñas
Por Redacción |
-
Case 750.000 euros para renovar a iluminación pública en Moraña
Por Redacción |
-
Moraña prevé investir 788.000 euros ata 2026 para modernizar o abastecemento de auga
Por Redacción |