Retencións na AP-9 polo envorco dun vehículo á altura de Salcedo
Por Natalia Puga
Creada e actualizada
Creada e actualizada
A partir das nove da mañá deste martes producíronse retencións na autoestrada AP-9 ao seu paso por Pontevedra por mor dun accidente de tráfico.
Poucos minutos antes envorcaba un vehículo en Salcedo. Circulaba en sentido Vigo e, á altura do desvío cara a Marín, envorcou.
O condutor saíu polo seu propio pé do vehículo, pero, igualmente, pediuse a presenza na zona dos servizos sanitarios para realizarlle unha valoración.
Segundo a información facilitada polo 112 Galicia, o accidente puido ser motivado por un descoido. Así, fontes oficiais indican que "os particulares informaban de que podía ser porque quedou durmido ao volante".
Ademais dos servizos sanitarios, desprazouse ata o lugar a Garda Civil de Tráfico, a Policía Local e o servizo de mantemento da estradas.
As cámaras da DXT recolleron retencións na zona e reportaron "conxestión" por circulación irregular ao longo de dous quilómetros, entre A Barca e O Xistro, pola presenza do vehículo na vía. Estas retencións prorrogáronse durante más de dúas horas.
Relacionadas:
-
Doce concellos pontevedreses ingresarán dous millóns tras a caducidade da bonificación a Audasa pola AP-9
Por Oskar Viéitez |
-
Unha muller en cadeira de rodas, ferida leve nun atropelo en Eduardo Pondal
Por Redacción |
-
O PP esixe ao Ministerio de Transportes a mellora do firme das estradas nacionais da provincia
Por Oskar Viéitez |