Solicitan que o concurso de ideas do Gafos estenda o ámbito de actuación
Por Oskar Viéitez
O grupo municipal do PSOE insta ao Goberno Local "a deixarse de dilacións" e a impulsar "canto antes" o proxecto para liberar e renaturalizar o río dos Gafos en Campolongo.
O portavoz municipal do PSOE, Iván Puentes, lembrou que o Concello dispón xa de 2,3 millóns de euros concedidos polo Ministerio para a Transición Ecolóxica e subliñou a importancia dun proxecto "que mudará o corazón urbano". "Xa perdemos suficiente tempo cun xeotécnico tan inútil como intempestivo"
Os socialistas incidiron ademais na necesidade de que "o Goberno Local continúe a captar novos fondos para estender o ámbito do proxecto de renaturalización do Gafos máis aló do tramo canalizado en Campolongo".
Puentes defende que o concurso de ideas abranga un ámbito de actuación que se prolongue máis aló do tramo canalizado en Campolongo, abarcando todo o treito entre a avenida de Vigo e a desembocadura do río, permitindo o deseño dun anteproxecto integral, cun tratamento homoxéneo, "en lugar de abordar as actuacións a 'cachiños', de xeito individual".
"Debería abranguer non só ao treito que se atopa canalizado, senón tamén prolongarse cara Ponte Boleira e, de Rosalía de Castro cara abaixo, cara á desembocadura do río no barrio de San Roque", dixo.
Relacionadas:
-
Tres empresas optan a redactar o proxecto de renaturalización do Gafos
Por Oskar Viéitez |
-
Paso en firme para avanzar na restauración ecolóxica do tramo cuberto do Gafos
Por Alejandro Espiño |
-
Os prazos apreman no proxecto para liberar o Gafos: en cinco meses deberá estar lista a asistencia técnica
Por Natalia Puga |
-
A renaturalización do Gafos irá "moito máis aló" que destapar a cuberta do río
Por Alejandro Espiño |
-
Posta a punto do paseo dos Gafos desde a estación ata Campolongo
Por Redacción |
-
Aberta a ponte do Gafos para conectar a senda fluvial con Josefina Arruti
Por Mónica Patxot & Anxo Lourido |