Paso en firme para avanzar na restauración ecolóxica do tramo cuberto do Gafos
Por Alejandro Espiño
O goberno municipal de Pontevedra aprobou este xoves o expediente que permitirá abrir o proceso de licitación para a redacción do anteproxecto e do proxecto de execución de recuperación e restauración ecolóxica do tramo urbano soterrado do río Gafos.
As empresas, a partir deste mesmo venres, terán quince días hábiles para presentar as ofertas para a redacción do proxecto, un trámite que conta cun orzamento de 108.625 euros e que está incluído dentro do total da execución da futura obra.
O contrato recolle un prazo máximo de cinco meses para entregar este traballo, pero os técnicos municipais valorarán a redución deste prazo.
O investimento total desta fase de recuperación e restauración ecolóxica do Gafos ascende a 2.249.719 euros, dos que 1.766.000 euros serán financiados polos fondos europeos Next Generation. A achega municipal será de case medio millón de euros.
O alcalde, Miguel Anxo Fernández Lores, quixo felicitar aos técnicos municipais por sacar adiante esta contratación a través de un traballo de ordenación e priorización porque "non había nada".
"Hai que lembrar que ademais houbo un parón de catro meses no proceso ao non ter os orzamentos aprobados nun primeiro intre, mais agora, de xeito definitivo, o proxecto para a renaturalización do Gafos, avanzará a bo ritmo", garantiu o alcalde.
Relacionadas:
-
Un paso máis co proxecto de renaturalización do río Gafos no tramo de Campolongo
Por Redacción |
-
Os prazos apreman no proxecto para liberar o Gafos: en cinco meses deberá estar lista a asistencia técnica
Por Natalia Puga |
-
O paseo dos Gafos deixa de estar a escuras con 40 farois de aceiro
Por Redacción |
-
Solicitan que o concurso de ideas do Gafos estenda o ámbito de actuación
Por Oskar Viéitez |