Luisa Sánchez tomará posesión como deputada provincial tras a renuncia da vicepresidenta Marta Fernández-Tapias
Por Oskar Viéitez
A renuncia de Marta Fernández-Tapias foi comunicada oficialmente este luns, xusto despois das eleccións tal e como ela mesma anunciara, tras a súa saída entrará na corporación provincial pontevedresa a concelleira do Partido Popular en Vigo, Luisa Sánchez, que traballou durante 25 anos como directora financeira de Povisa.
Actualmente Luisa Sánchez é a directora de Recursos Humanos da área sanitaria de Pontevedra e O Salnés.
O presidente da Deputación de Pontevedra, Luis López, destacou que como vicepresidenta "demostrou de todo o que é capaz" ao xestionar "dúas áreas moi potentes" como son Cultura e Deportes nas que "fixo un traballo extraordinario", segundo valorou o mandatario provincial tendo en conta que "unha posta en marcha, dun novo goberno e dunhas novas liñas de xogo sempre implican un sacrificio maior".
Agora, a Deputación tomará coñecemento desta renuncia no próximo pleno que se celebrará este venres e "dará os pasos para a reorganización" ata que poida tomar posesión a seguinte persoa que substituirá a Marta Fernández-Tapias, que será, se non hai ningún pleno extraordinario, no último pleno do mes de marzo.
No partido xudicial de Vigo había tres persoas titulares para asumir a acta de deputados na administración provincial que son Sandra Bastos, Jesús Vázquez Almuiña e ata o de agora Marta Fernández Tapias. A primeira suplente era María Luisa Sánchez.
XESTORA EN VIGO
Tras a renuncia de Marta Fernández-Tapias formalizada tamén ante o comité executivo provincial do Partido Popular, unha xestora poñerase á fronte do PP de Vigo "non máis tarde do 29 de febreiro", segundo anunciou o presidente provincial do PP de Pontevedra, Luis López.
Relacionadas:
-
Belén Cachafeiro substituirá a López Campos como deputada provincial
Por Oskar Viéitez |
-
Luisa Sánchez renuncia como directora de Recursos Humanos da área sanitaria
Por Oskar Viéitez & Mónica Patxot |
-
A incorporación de Luisa Sánchez leva a Rafa Domínguez a ocupar a vicepresidencia primeira da Deputación
Por Anxo Lourido |
-
O presidente da Deputación ve "xustificado" un pleno extraordinario só para que tome posesión unha deputada
Por Oskar Viéitez |
-
O goberno provincial mobiliza 4,3 millóns de euros en materia de mocidade, dinamización turística e investimentos nos concellos
Por Oskar Viéitez |
-
Oito anos de éxito dos obradoiros de maquillaxe para pacientes oncolóxicas no Provincial
Por Oskar Viéitez |
-
A vicepresidenta da Deputación deixará a política despois das eleccións galegas
Por Oskar Viéitez |