Música e baile durante dúas horas para gozar do Entroido na Lama
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Baixo un sol radiante e unha boa temperatura, as máis de 1.000 persoas participantes no desfile de Entroido da Lama empregaron máis de dúas horas en percorrer o centro da vila ao ritmo do sambóromo.
As beirarrúas estiveron repletas de público que seguiu con aplausos e ledicia o paso de comparsas, grupos e disfraces.
Os premiados foron, en categoría individual/parella, A Fentosiña, As Momias e Muller con moito glamour; mentres que na categoría de grupo visitante gañou Moreira a Tope (Soutomaior), seguido de Semente (Salcedo) e Arroutada (Lavadores).
No caso do grupo local o primeiro posto foi para A Pandilla (Ponte Caldelas), o segundo para Zumbeir@s (A Lama) e o terceiro para As Formigas da Lama; Os 100 tolos foron os gañadores das comparsas, Os Solfamidas lograron a segunda praza e As Flores do Carnaval, o terceiro.
Imaxes do Entroido da Lama
Un sol radiante acompañou o desfile e as beirarrúas estiveron repletas de público que seguiu con aplausos o paso de comparsas, grupos e disfraces
© Concello de A Lama