Suspendido definitivamente o Entroido de Campo Lameiro polo mal tempo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
As malas previsións meteorolóxicas volveron impedir a celebración do Entroido de Campo Lameiro, que estaba previsto para este sábado 16 de marzo.
As chuvias desaconsellaron que o desfile se celebrara ao non poder garantir as debidas condicións, subliñan desde o goberno municipal de Campo Lameiro, que non buscará unha nova data.
O Concello optou por suspender definitivamente esta festa ante a imposibilidade de atopar outra data que se puidera acordar coas comparsas e cos grupos participantes.
Ademais, a inminente celebración da Semana Santa tamén dificultaba poder escoller outro día para celebralo, polo que a veciñanza do municipio terá que agardar ata o ano que vén.